ညီညာတက်ကြွ စိတ်လှဇွဲနှစ် မြန်မာ့အရုဏ်သစ် As group of Myanmar Philanthropists, our aims are to assist poor people in following sectors in Myanmar by contributions 1) Orphans 2) Helpless Aged Persons 3) Regular Blood donation Campaigns in Yangon (800 peoples). 4) Aid to victims of disasters.
*******
ကောင်းကင်တစ်ခွင်
တိမ် တွေမြင်၍
စိတ်တွင်ပေါ်လာ
ပုံဖော်ကာဖြင့်
ဟိုဟာက နွား
ဘယ်က သိုးဆိတ်
ညာ တောရိပ်ကွ
ထိပ်က သိမ်းငှက်
အောင်ဘက် ပန်းခင်း
စိတ်တွင်းထင်လာ
နီးရာပုံပေါ်
ငယ်ကျွမ်းဖော်နှင့်
ပြုံးရယ်တွန်းကျီ
တိမ်ပန်းချီကို
နေခြည်နုအေး
တောပန်းမွှေးကာ
ရွာရိုးတစ်လွှား
ဂွေလှိမ့်သွား၍
ပျော်ရပါသည်
ပူပင်ကင်းဝေး
ငယ်ဘဝလေးကို
စိတ်ထဲလွမ်းသ
တမ်းတမ်းတ - - - -။
:-)
U SOE NAING
2016 MAY 8
ဆိုပါတော့ဗျာ
ခင်ဗျားဟာ ခရီးပန်းပြီး ရေဆာနေတဲ့သူ ဆိုပါတော့
ခင်ဗျားလက်ထဲကို ကြည်လင်အေးမြတဲ့ သောက်ရေတစ်ဖန်ခွက်ရတယ် ဆိုရင် - - -
အဲဒီရေတစ်ခွက်ဟာ ခင်ဗျားအတွက် သိပ်ပြီးတန်ဖိုးရှိလိမ့်မယ်။
ခင်ဗျားရဲ့ ဆာလောင်မွတ်သိပ်မှုကို
ပြေပျောက်စေနိုင်တယ်
ဒါပေမယ့်
အဲဒီရေတစ်ဖန်ခွက်ကို
ရေတိုင်ကီကြီးထဲ ထည့်လိုက်ရင်တော့
ခင်ဗျား သောက်လို့ရနိုင်ပါ့မလား??
သောက်လို့မရတဲ့အတွက်
ခင်ဗျားရဲ့ဆာလောင်မွတ်သိပ်မှုတွေဟာ
ဆက်ပြီးခံစားနေရဦးမှာပဲ
ဘာကိုပြောချင်တာလဲ?
ကျနော်တို့ဟာ သံသရာတစ်လျှောက်
ဆာလောင်မွတ်သိပ်မှုတွေနဲ့ အမြဲခံစားနေရတဲ့
ခရီးသွားတွေပဲ
သူတောင်းစားကနေ ခရိုနီသူဌေးတွေအထိ
ဘဝဆန္ဒတွေ ပြည့်တယ်လို့မရှိဘူး
ဘာဖြစ်လို့လဲဆိုတော့
သူ့မှာ ရေတစ်ဖန်ခွက်စာရှိရင်
သူ့ဆန္ဒဟာ ရေတိုင်ကီကြီးလောင်ကြီးနေတယ်
သူ့မှာ ရေတိုင်ကီတစ်လုံးစာရေရှိရင်
သူ့ဆန္ဒက ရေကန်ကြီးလောက်ဖြစ်နေတတ်တယ်
ဒါကြောင့်
ချမ်းသာသုခခံစားနိုင်ဖို့
ကြိုးစားရှာဖွေတာနဲ့အတူ
အလိုဆန္ဒတွေလည်း လျှော့ချ ရောင့်ရဲကျေနပ်တဲ့စိတ်
မွေးမြူလေ့ကျင့်ထားရမယ်။
ဗုဒ္ဓဘုရားရှင် ထီနန်းစွန့်ပြီး
သင်္ကန်းသုံးစုံ သပိတ်တစ်လုံးနဲ့သာသနာပြုတာ
အလိုလောဘတွေ လျော့ချထားတဲ့
ဖန်ခွက်လေးနဲ့တူတယ်
ဒါကြောင့်
အမြဲပြည့်ဝချမ်းသာနေတယ်။
လက်ရှိဘဝကို ကျေနပ်ပျော်ရွှင်နိုင်ကြပါစေဗျာ
တိုးတတ်အောင်မြင်ခြင်းနဲ့အတူ
မျှဝေလက်တွဲကူညီဖေးမတတ်ကြပါစေ
U Soe Naing
