၁၄ကြိမ်မြောက်စုပေါင်းသွေးလှူဒါန်းပွဲ

တစ်ခါက နာတာရှည်ရောဂါစွဲကပ်နေတဲ့ သူဌေးကြီးတစ်ဦးဟာ သူ့တိုက်ဝရံတာ ကနေ ခြံရှေ့သစ်ပင်ရိပ်မှာ ထမင်းကို အားရပါးရပလုတ်ပလောင်းစားနေတဲ့ သူဖုန်းစားတစ်ဦးကိုကြည့်ပြီး စဉ်းစားမိသတဲ့
- -"အော် ငါ့မှာ ဥစ္စာစည်းစိမ်ပြည့်စုံပေမယ့် သူဖုန်းစားတစ်ယောက်လိုတောင် အားရပါးရမြိန်ရည်ယှက်ရည် မစားနိုင် မစားချင်ခဲ့တာ ကြာခဲ့ပါပကော ကျန်းမာခြင်းမရှိဘူးဆိုရင် ပိုငိဆိုင်တဲ့ဥစ္စာဓနတွေဟာ အလဟသ ပါပဲလား ငါလည်း မသေခင် သူဖုန်းစားလို ကျန်းကျန်းမာမာနဲ့ အားရပါးရ ထမင်းတစ်နပ်လောက်တော့ စားလိုက်ချင်စမ်းပါဘိတယ်" လို့ သူဖုန်းစားရဲ့ ကျန်းမာခြင်းဆုလဒ်ကို အားကျနေမိသတဲ့။
*****
ကျနော်တို့မြန်မာလူမျိုးတွေဟာ အလှူအတန်းရက်ရောကြပါတယ်။ ဒါပေမယ့် ဘာသာရေးအဆုံးအမယုံကြည်မှုအရ သံသရာမှာ ဥစ္စာဓနပြည့်စုံအောင် နောင်ဘဝချမ်းသာအောင်သာ ပိုပြီးအားစိုက်သလို ထင်မိပါတယ်။
နောင်သံသရာမှာ ဘဝဖြစ်တိုင်း ကျန်းမာခြင်း ချမ်းသာခြင်း နဲ့ပြည့်စုံမှုရော မလိုချင်ဘူးလား?

"သန့်ရှင်းတဲ့စေတနာနဲ့ သွေးလှူပါ"
"သန့်ရှင်းတဲ့စေတနာနဲ့ သွေးလှူရှင်များကို ထောက်ပံ့ကူညီပါ"
"သန့်ရှင်းတဲ့ စေတနာနဲ့ သွေးလှူပွဲကို လုပ်အားဒါနပြုပါ"

ဒါဆို ယခုဘဝ နောင်သံသရာ သင်နှင့်သင့်မိသားစု သင့်မိတ်ဆွေများ ကျန်းမာခြင်းကောင်းကျိုးမင်္ဂလာကို သင့်ဆီယူဆောင်လာပါလိမ့်မယ်။
ဒါဟာ ကံ ကံရဲ့အကျိုးတရားသက်ရောက်မှုပါပဲ။

#မြန်မာ့အရုဏ်သစ်
#၁၄ကြိမ်မြောက်စုပေါင်းသွေးလှူဒါန်းပွဲ
#၂၀၁၆ခုနှစ်နိုဝင်ဘာလ၂၇ရက်(တနင်္ဂေနွနေ့)
#အမျိုးသားသွေးလှူဘဏ်/ရန်ကုန်
အမြဲတန်း သွေးလှူရှင် ၇၀၀ မှ ၁၀၀၀ ကျော်လာရောက်လှူဒါန်းသည့်အတွက် ferry နှင်အာဟာရဒါနအတွက် စေတနာဖြစ်၍ပါဝင်လှူဒါန်းလိုပါက နီးစပ်ရာအမှုဆောင်များနှင့် ဆက်သွယ်လှူဒါန်းနိုင်ပါသည်။

#မြန်မာ့အရုဏ်သစ်
by U U Soe Naing
https://web.facebook.com/soe.naing.56/posts/1104635322983867

မိတ်ဆက်စကား

``မြန်မာ့ အရုဏ်သစ် ပရဟိတ ``လူမှုကူညီရေးအသင်း

(၁)
မနေ့က တစ်နေကုန်ပင်ပန်းနေသဖြင့် ညပိုင်းတွင် ပုံမှန်အိပ်ယာဝင်ချိန်ထက်စောပြီး အိပ်ယာဝင်လိုက်သည်။ အဲဒီလို အိပ်ယာဝင်ချိန်စောသွားလို့လားမသိ မနက်ပိုင်း အရုဏ်တတ်ချိန်တွင် လန်းလန်း ဆန်းဆန်းနိုးနေသည်။ ဆက်မအိပ်ချင်တော့၍ အိပ်ယာမှ ထကာ ခြံအပြင်ထွက်ပြီး လမ်းပေါ်တွင် အရုဏ်ဦး၏ ရူ့ခင်းတို့ကို ခံစားနေမိသည်။

အရုဏ်သစ်၏ လေပြေလေညှင်းတို့သည် လတ်ဆတ်လှသည်။

အရုဏ်သစ် က ဘဝ၏ နွမ်းနယ်ပင်ပန်းမှုတို့ကို တဖန် လန်းဆန်းတတ်ကြွစေသည်။

အရုဏ်သစ်က မနေ့က ပင်ပန်းဆင်းရဲခဲ့သမျှကို လျှော်ဖွတ်သန့်စင်စပြေီး ခွန်အားသစ်တို့ ရစေသည်။

အရုဏ်သစ် က မောပန်းနွမ်းနယ်နေသော ဘဝဒုက္ခတွေကို မေ့ပျောက်စေခဲ့သည်။

အရုဏ်သစ် က စိတ်သစ်၊ လူသစ်၊ ခွန်အားသစ် တို့ကို အသစ်တစ်ဖန် မွေးဖွားစေခဲ့သည်ဆိုလျှင်------

(၂)
ကျွန်တော်တို့မိသားစုက ထုံးစံအတိုင်း တီဗွီ စီးရီးတွေကို ကြည့်လျှင် ကိုးရီးယား ဒရမ်မာ ကားများကို ကြိုက်ကြသည်။ ကျွန်တော်ကတော့ တမူထူးခြားစွာ တောရိုင်းတိရိစ္ဆာန်တို့၏ ဘဝရှင်သန်မှု အလေ့အထတွေကို ရိုက်ကူးတင်ဆက်ပြသော NGC Wild အစီအစဉ်ကိုကြိုက်သည်။ ထိုအစီစဉ်ကို ကြည့်ရင်း ရင်ထဲတွင် ခံစားချက်တစ်ခု စွဲကျန်နေခဲ့သည်။ အခြားမဟုတ်ပါ။ တိရိစ္ဆာန်တို့၏ သဘာဝတွင် အစာကို ကိုယ်တိုင်ရှာဖွေစားသောက်ရင်း အသက်အရွယ်ကြီးရင့်၍ အစာကို ရှာမစားနိုင်လောက်အောင် အိုမင်းရင့်ရော်သောအခါ အစာရေစာ ရှာမစားနိုင်သဖြင့် ငတ်ပြတ်ကာ အသက်သကြေရခြင်း နှင့် မိခင်၏ စောင့်ရှောက်မှု မလွတ်ကင်းသေးသော သားပေါက်များ၏ ဘဝတွင်လည်း မိခင်သည် အခြားသားရဲ ကြီးများ၏ သတ်ဖြတ်စားသောက်ခြင်းကို ခံရလျှင် ထိုသားပေါက်ကလေးများမှာလည်း ရှာဖွေကြွေးမည့် မိခင်မရှိသဖြင့်၊ အကာအကွယ်ပေးမည့် မိခင်သေဆုံးသွားသဖြင့် သူတို့လည်း သေကျေပျက်စီးကြရသည့် မြင်ကွင်းတို့ပင်ဖြစ်သည်။

ကျွန်တော်တို့ လူသားတွေရော----

အကြောင်းအမျိုးမျိုးကြောင့် သားထောက်သမီးခံမရှိပဲ ကိုယ်တိုင် ရှာဖွေစားသောက်နိုင်စွမ်း မရှိတော့သော သက်ကြီးရွယ်အို မှီခိုရာမဲ့ ဘိုး၊ ဘွားများ------

အကြောင်းအမျိုးမျိုးကြောင့် မိဘမဲ့သွားရရှာသော အရွယ်မရောက်သေးသည့် လူမမယ် ကလေးသူငယ်များ------------

သဘာဝဘေး အန္တရယ် နှင့် စစ်ဘေး စစ်ဒဏ်ကြောင့် အတိဒုက္ခရောက်ကာ ရှာဖွေလုပ်ကိုင်စားသောက်ဖို့ ထက် ရှင်သန်ဖို့ပင် မလွယ်ကူသော အပြစ်မဲ့ပြည်သူများ-----

အရွယ်ရောက်၍ ရှာဖွေစားသောက်နိုင်လင့်ကစား မိဘ ညီအကိုမောင်နှမ လုံးဝမရှိပဲ တစ်ကောင်ကြွက် ဥတစ်လုံး ဘဝဖြင့် ယုတ်ညံ့သော လူသားအချို့၏ အန္တရာယ်နှင့် ရင်ဆိုင်နေရသော အားငယ်နေသည့် သူများ--

ထိုထိုသောသူများကို ကျွန်တော်တို့ မြန်မာ့အရုဏ်သစ် ပရဟိတ အဖွဲ့မှ အုတ်တစ်ချပ်သဲတစ်ပွင့် ပင်ဖြစ်ပါစေ တတ်စွမ်းသောအားဖြင့်--

အရဏ်သစ်၏ လင်းရောင်ခြည်ကဲ့သို့ ခွန်အားသစ်တို့ တစ်ဖန်ဖြစ်စေမည်။

အရုဏ်သစ်၏ လေနုအေးသို့ လန်းဆန်းမှုတို့ကို တစ်ဖန်ဖြစ်စေမည်။

အရုဏ်သစ်၏ နခြေည်နုကဲ့သို့ တတ်ကြွမှုတို့ကို တစ်ဖန်ဖြစ်စေမည်။

အရုဏ်သစ်၏ လင်းကြက်တွန်သံကဲ့သို့ နိုးထလာသော ဘဝများအတွက် နှိုးဆော်ပေးမည်။

အရုဏ်သစ်၏ မျှော်လင့်ချက် ခွန်အားများ နှင့်အတူ ``မြန်မာ့အရုဏ်သစ်``ပရဟိတအဖွဲ့ကို ကျွန်တော်တို့ အွန်လိုင်း သူငယ်ချင်းအပေါင်းအသင်းများ စိတ်တူ ကိုယ်တူ ဝန်ထုတ်ဝန်ပိုး မဖြစ်သော တာဝန်ယူမှုများနဲ့ ``အားငယ်သူ အားပေးပါ--- လဲနေသူ ထူပေးပါ`` ဟူသော မြန်မာစိတ်ထား တို့ဖြင့် ဆက်လက် ရှင်သန်ကြစေလိုကြောင်း နှိုးဆော် တိုက်တွန်းလိုက်ရပါတယ်ခင်ဗျား။
----ကိုစိုးနိုင်----

NFPE ကျောင်းပြင်ပမူလတန်းကျောင်း (ရွှပြေည်သာ) အလှူ

NFPE ကျောင်းပြင်ပမူလတန်းကျောင်း (ရွှပြေည်သာ) အလှူ
နေ့ရက် - 23.10.2016
စုရပ် (၁) - လှည်းတန်း IT TEA CENTRE
အချိန် - 7:00 AM အရောက်
စုရပ် (၂) - သမိုင်းလမ်းဆုံ
အချိန် - 7:15 AM အရောက်

ညီမလေး Naw Lai Yee Pyone

#မြန်မာ့အရုဏ်သစ်၏ အောက်တိုဘာလ ၂၃ ရက်နေ့ သွားရောက်လှူဒါန်းမည့် NFPE : ကျောင်းပြင်ပ မူလတန်းကျောင်း (ရွှပြေည်သာ) အတွက် လှူဖို့ရှိတယ်ဟေ့ လို့ နိုးဆော်လိုက်တာနဲ့ လက်မနှေးပဲ အမြဲလှူဒါန်းသော ညီမလေး Naw Lai Yee Pyone က ၅၀၀၀ ကျပ် လှူဒါန်းပါတယ်။

" သာဓု သာဓု သာဓု"
လှူဒါန်းရခြင်းဒါနအကျိုးအားဖြင့် ဘဝတစ်လျှောက်လုံး ရန်ဘေးအန္တရာယ်မှန်သမျှ ကင်းဝေးပါစေ။
ပေး၍မကုန် လှူလို့မခန်း ဥစ္စာပစ္စည်းများလည်းကြွယ်ဝချမ်းသာပါစေ။
စိတ်ရောကိုယ်ပါ မိုးဆမ်းပန်းသို့ အစဉ်မွှေးပျံ့သင်းလှိုင်ပါစေ။
တရားထူး တရားမြတ်မျာ သိမြင်ရလွယ်ကြပါစေ။
#Myanmaarunthit

by Thein Gi

ဦးသာဓု Aye Ko Ko နှင့် ဇနှီးချောလေး Htwe Htwe သမီးလေး ချောချော တို့မိသားစုမှ

#(24-10-16) ရက်နေ့သို့ ရောက်ရှိမည့် မွေးနေ့အလှူတော် မင်္ဂလာအတွက် လူပျိုကြီး လို့မဆိုလိုပါဘူး :P :D :) အလှူအတန်းဆိုလက်မနှေးပဲ အမြဲတမ်းလှူသော -
ဦးသာဓု Aye Ko Ko နှင့် ဇနှီးချောလေး Htwe Htwe သမီးလေး ချောချော တို့မိသားစုမှ ဒါနပါရမီ သဒ္ဓာတရားထက်သန်စွာဖြင့် ရွှပြေည်သာမြို့ရှိ NFPE ကျောင်းပြင်ပမူလတန်းကျောင်းသား/ကျောင်းသူ သွားရောက်လှူဒါန်းရန် ဖယ်ရီကား ၈၅၀၀၀ ကျပ် တိတိ လှူဒါန်းပါတယ်ရှင့်
"သာဓု သာဓု သာဓု" ပါ
ခုလို အလှူရေစက်လက်နဲ့မကွာ လှူဒါန်းရသော ဒါနပါရမီ ကုသိုလ်ထူးကြောင့် ဦးသာဓု တို့မိသားစု
ကျန်းမာ ထီပေါက် နိဗ္ဗာန်သို့ မြတ်မှောက်ပြုနိုင်သော ကုသိုလ်ထူး ကုသိုလ်မြတ်များ ရရှိပါစေ။
စီးပွားလဲ ဒီရေအလား တိုးတက်ပါစေ။
အလှူအတန်များလဲ ဆထက်တိုး လှူနိုင်သော အလှူ့တကာ အလှူ့အစ်မ များဖြစ်ပါစေ။

အောက်တိုဘာလ ၂၃ ရက်နေ့ NFPE : ကျောင်းပြင်ပ မူလတန်းကျောင်း (ရွှပြေည်သာ)

#မြန်မာ့အရုဏ်သစ်၏ အောက်တိုဘာလ ၂၃ ရက်နေ့ သွားရောက်လှူဒါန်းမည့် NFPE : ကျောင်းပြင်ပ မူလတန်းကျောင်း (ရွှပြေည်သာ) အတွက် လှူဖို့ရှိတယ်ဟေ့ လို့ နိုးဆော်လိုက်တာနဲ့ လက်မနှေးပဲ အမြဲလှူဒါန်းသော Trader Hotel မှ မသီသီအောင် Thi Aung တို့မိသားစုမှ ၁၀၀၀၀ ကျပ် လှူဒါန်းပါတယ်။

" သာဓု သာဓု သာဓု"
လှူဒါန်းရခြင်းဒါနအကျိုးအားဖြင့် ဘဝတစ်လျှောက်လုံး ရန်ဘေးအန္တရာယ်မှန်သမျှ ကင်းဝေးပါစေ။

by Thein Gi

Myanma Arunthit’s 2nd Plantation Campaign on 14th Aug, 2016 (Sun)

#မြန်မာ့အရုဏ်သစ်ရဲ့ မူလ Objective ၄-ခုအပြင်
၅-ချက်မြောက်အနဖြေင့် သစ်ပင်စိုက်ပျိုးခြင်းကို
ရည်ရွယ်ချက်ထား အကောင်အထည်ဖော်ခဲ့ကြပါတယ်
#အမြန်လမ်း ၁၁-မိုင်အနီး သုံးဆူတောင် သာသနာ့မြေမှာ
မနှစ်က ပထမအကြိမ်အဖြစ် အပင်တစ်ထောင်ကျော် ပျော်ပျော်ပါးပါး စိုက်ပျိုးနိုင်ခဲ့ပါတယ်
(public newspaper မှာတောင် သတင်းပါလာသေး)
#ယခု ဒုတိယအကြိမ်အဖြစ် အခမဲ့ဆေးကုသတဲ့
အမြန်လမ်း ၃၉-မိုင်ဘောနက်ကြီးရွာအနီး ပဲခူးမှာ
အရိပ်ရသစ်ပင်နှင့် စားပင်အချို့ စိုက်ပျိုးဖို့ကို
ဒီလ event (14 Aug) အနေနဲ့ ရည်ရွယ်ထားပါတယ်
#အပင်ဆိုတာ စိုက်ထားပြီး ပစ်ထားလို့မရပါဘူး
#အရုဏ်သစ်အနေနဲ့ ဆက်လက်ထိန်းသိမ်းဖို့ လူငှါးထားပြီး အပင်ရှင်သန်ကြီးထွားသည်အထိ တာဝန်ယူတာပါ (မနှစ်က ပျိုးပင်လေးတွေဆို လူတရပ်တောင် ရှိတော့မယ်)
#မဟုတ်ရင် အသောကမင်း ၈၄၀၀၀ တည်သလို ရှေ့ကတည်ထားခဲ့ နောက်ကပြုပြင်သူမရှိလို့ ကိန်းဂဏန်းအရေအတွက်သာ ရှိပြီး Actual ဘယ်လောက်မှ မတင်ကျန်ခဲ့တာ သာဓကပါ
#တစ်သက်ပျော်ချင်သစ်ပင်စိုက်ပါတဲ့
#တစ်ပင်ကို ၂၀၀၀ သတ်မှတ်ထားပါတယ်

#MyanmaArunthit

အမြန်လမ်း ၃၉-မိုင်ဘောနက်ကြီးရွာအနီး ပဲခူး

စင်ကာပူမှ သူငယ်ချင်း KZO+MMK Family မိသားစုမှ ကျပ် တစ်သိန်းငါးသောင်းတိတိ ပေးပို့ လှူဒါန်း

မင်္ဂင်္လာပါခင်ဗျာ။ စင်ကာပူမှ သူငယ်ချင်း KZO+MMK Family မိသားစုမှ မြန်မာ့အရုဏ်သစ်၏ ပရဟိတလုပ်ငန်းများ ဆထက်တပိုးဖော်ဆောင်နိုင်ရန် ရည်ရွယ်၍ #အရေးပေါ်လူနာတင်ယာဉ်လှူဒါန်းရန်အတွက် ကျပ် ခုနှစ်သောင်းခွဲ၊ (2016 July 24တွင်ကျင်းပမည့်) #စုပေါင်းသွေးလှူဒါန်းပွဲ ဖြစ်မြောက်ရေးအတွက် ကျပ် ခုနှစ်သောင်းခွဲ၊ စုစုပေါင်း အလှူငွေ ကျပ် #တစ်သိန်းငါးသောင်းတိတိ ပေးပို့ လှူဒါန်းပါတယ် ခင်ဗျာ။ အလှူရှင်မိသားစုလည်း စိတ်၏ကျမ္မာခြင်း ကိုယ်၏ချမ်းသာခြင်းတို့ ပြည့်စုံ၍ ကြံတိုင်အောင် ဆောင်တိုင်းမြောက်ကာ အလှူရေစက် လက်နဲ့မကွာ ဆထက်တပိုး လှူတန်းနိုင်ကြပါစေကြောင်း...။

ပြည်သူချစ်တဲ့ အမေ့မွေးနေ့

"ျပည္သူခ်စ္တဲ႕ အေမ့ေမြးေန႕"

လောကဒဏ်ကို ရင်စီးခံ
အသက်အန္တရာယ်လည်းခြိမ်းချောက်
ယိုင်နှဲ့ကာ ဘေးမှုကြုံလည်း
ဒူးတော့မထောက်။

အမုန်းတွေကို မတုန့်ပြန်
အမှန်လမ်းကို ဆက်လျှောက်
အနာဂါတ်ကို စိန်စီဖို့
ကြိုးကုတ်ဇွဲတောင့်။

မေတ္တာဓာတ် မွန်မြတ်စံ
ပညာဉာဏ်ထွန်းပေါက်
ရန်သူကို ကြည်ဖြူသိမ်းမယ့်
စိတ်တည့် စွမ်းဖြောင့်။

၇၀ ကျော်တစ်နှစ်စွန်း လို့
ချစ်လွန်းတဲ့ ပြည်သူ့အမေ
သက်ရာကျော်ရှည်
ပြည်ချစ်တဲ့တို့အမေ
ကမာ္ဘမြေကျော်ကြား
ပြည်တစ်ဝှမ်းမှာပေါ့
ရွှင်လန်းကာ သာစေကြောင်းကို
မြတ်ဘုရားထံဆုမွန်တောင်းမယ်
သောင်းဖြစေသား။
kosoenaing
(မြန်မာ့အရုဏ်သစ်)

~~~~~~

ေလာကဒဏ္ကို ရင္စီးခံ
အသက္အႏၱရာယ္လည္းျခိမ္းေခ်ာက္
ယိုင္ႏွဲ႕ကာ ေဘးမွဳႀကံဳလည္း
ဒူးေတာ့မေထာက္။ ။

အမုန္းေတြကို မတုန္႕ျပန္
အမွန္လမ္းကို ဆက္ေလွ်ာက္
အနာဂါတ္ကို စိန္စီဖို႕
ႀကိဳးကုတ္ဇြဲေတာင့္။ ။

ေမတၱာဓါတ္ မြန္ျမတ္စံ
ပညာဥာဏ္ထြန္းေပါက္
ရန္သူကို ၾကည္ျဖဴသိမ္းမယ့္
စိတ္တည့္ စြမ္းေျဖာင့္။ ။

၇၀ ေက်ာ္တစ္ႏွစ္စြန္း လို႕
ခ်စ္လြန္းတဲ႕ ျပည္သူ႕အေမ
သက္ရာေက်ာ္ရွည္
ျပည္ခ်စ္တဲ႕တို႕အေမ
ကမာၻေျမေက်ာ္ၾကား
ျပည္တစ္ဝွမ္းမွာေပါ့
ရႊင္လန္းကာ သာေစေၾကာင္းကို
ျမတ္ဘုရားထံဆုမြန္ေတာင္းမယ္
ေသာင္းျဖေစသား။ ။
kosoenaing
(ျမန္မာ့အ႐ုဏ္သစ္)

တိမ်ပန်းချီ

*******

ကောင်းကင်တစ်ခွင်
တိမ် တွေမြင်၍
စိတ်တွင်ပေါ်လာ
ပုံဖော်ကာဖြင့်
ဟိုဟာက နွား
ဘယ်က သိုးဆိတ်
ညာ တောရိပ်ကွ
ထိပ်က သိမ်းငှက်
အောင်ဘက် ပန်းခင်း
စိတ်တွင်းထင်လာ
နီးရာပုံပေါ်
ငယ်ကျွမ်းဖော်နှင့်
ပြုံးရယ်တွန်းကျီ
တိမ်ပန်းချီကို
နေခြည်နုအေး
တောပန်းမွှေးကာ
ရွာရိုးတစ်လွှား
ဂွေလှိမ့်သွား၍
ပျော်ရပါသည်
ပူပင်ကင်းဝေး
ငယ်ဘဝလေးကို
စိတ်ထဲလွမ်းသ
တမ်းတမ်းတ - - - -။

             :-)

U SOE NAING
2016 MAY 8

မျှဝေလက်တွဲကူညီဖေးမတတ်ကြပါစေ

ဆိုပါတော့ဗျာ
ခင်ဗျားဟာ  ခရီးပန်းပြီး ရေဆာနေတဲ့သူ  ဆိုပါတော့

ခင်ဗျားလက်ထဲကို ကြည်လင်အေးမြတဲ့ သောက်ရေတစ်ဖန်ခွက်ရတယ်  ဆိုရင် - - -
အဲဒီရေတစ်ခွက်ဟာ  ခင်ဗျားအတွက်  သိပ်ပြီးတန်ဖိုးရှိလိမ့်မယ်။
ခင်ဗျားရဲ့  ဆာလောင်မွတ်သိပ်မှုကို
ပြေပျောက်စေနိုင်တယ်

ဒါပေမယ့်
အဲဒီရေတစ်ဖန်ခွက်ကို
ရေတိုင်ကီကြီးထဲ ထည့်လိုက်ရင်တော့
ခင်ဗျား သောက်လို့ရနိုင်ပါ့မလား??
သောက်လို့မရတဲ့အတွက်
ခင်ဗျားရဲ့ဆာလောင်မွတ်သိပ်မှုတွေဟာ
ဆက်ပြီးခံစားနေရဦးမှာပဲ

ဘာကိုပြောချင်တာလဲ?
ကျနော်တို့ဟာ  သံသရာတစ်လျှောက်
ဆာလောင်မွတ်သိပ်မှုတွေနဲ့ အမြဲခံစားနေရတဲ့
ခရီးသွားတွေပဲ
သူတောင်းစားကနေ  ခရိုနီသူဌေးတွေအထိ
ဘဝဆန္ဒတွေ ပြည့်တယ်လို့မရှိဘူး
ဘာဖြစ်လို့လဲဆိုတော့
သူ့မှာ ရေတစ်ဖန်ခွက်စာရှိရင်
သူ့ဆန္ဒဟာ ရေတိုင်ကီကြီးလောင်ကြီးနေတယ်
သူ့မှာ ရေတိုင်ကီတစ်လုံးစာရေရှိရင်
သူ့ဆန္ဒက ရေကန်ကြီးလောက်ဖြစ်နေတတ်တယ်
ဒါကြောင့်
ချမ်းသာသုခခံစားနိုင်ဖို့
ကြိုးစားရှာဖွေတာနဲ့အတူ
အလိုဆန္ဒတွေလည်း လျှော့ချ ရောင့်ရဲကျေနပ်တဲ့စိတ်
မွေးမြူလေ့ကျင့်ထားရမယ်။
ဗုဒ္ဓဘုရားရှင် ထီနန်းစွန့်ပြီး
သင်္ကန်းသုံးစုံ သပိတ်တစ်လုံးနဲ့သာသနာပြုတာ
အလိုလောဘတွေ လျော့ချထားတဲ့
ဖန်ခွက်လေးနဲ့တူတယ်
ဒါကြောင့်
အမြဲပြည့်ဝချမ်းသာနေတယ်။

လက်ရှိဘဝကို  ကျေနပ်ပျော်ရွှင်နိုင်ကြပါစေဗျာ
တိုးတတ်အောင်မြင်ခြင်းနဲ့အတူ
မျှဝေလက်တွဲကူညီဖေးမတတ်ကြပါစေ

U Soe Naing

အတွေ့အကြုံ ဟာ ပညာ

အတွေ့အကြုံ ဟာ ပညာပဲ
ကိုယ်ဝါသနာပါရာကို တစ်စိုက်မတ်မတ်လုပ်ပါ
ကိုယ်လုပ်တဲ့အလုပ်အပေါ်မှာ ကျွမ်းကျင်လိမ်မာသွားရင်
အဲဒီအလုပ်က ကိုယ့်ကို ပြန်အကျိုးပြုလိမ့်မယ်

ယောင် ၆၀
ဟိုနေရာ စပ် စပ် စပ် စပ်
ဒီနေရာ စပ် စပ် စပ် စပ် ဆို
အသက်ကြီးပြီး အိုသေသွားမယ်
ဘာမှအောင်မြင်မှာမဟုတ်ဘူး

မယုံမရှိနဲ့
ကိုယ်တွေ့

 ပရော်ဖက်ဆာ ဒေါက်တာယောင်ကြီး

 

by Soe Naing 

နည်းနည်းတော့ ရှည်ပါရစေ

နည်းနည်းတော့ ရှည်ပါရစေ (သျှာ - -သျှာ

1970 က ကျနော့ကို ရွာလေးတစ်ရွာမှာ ဖွားခဲ့တယ် မြို့နဲ့အဆက်အသွယ်ပြတ်တယ် ဆရာဝန်မရှိဘူး ကျန်းမာရေးဗဟုသုတမရှိဘူး ဆေးဝါးမရှိဘူး

ရွားသားတွေဟာ ဒေါက်တာရမ်းကုတွေ ဆေးဝါးအတုတွေရဲ့သားကောင်ဘဝကို အသက်ပေးပြီး ခံခဲ့ကြရတယ်

အဲဒီအဖြစ် များစွာထဲက ကိုကျောက်အကြောင်း နည်းနည်းပြောပါရစေ
****
ဆိုရှယ်လစ်ခေါတ်မှာ စာတတ်မြောက်ရေးလှုပ်ရှားမှုအဖြစ် အ-သုံးလုံး(အရေး-အဖတ်-အတွက်)ကို တက္ကသိုလ်က ကျောင်းသားကျောင်းသူတွေ လာသင်ပေးကြတယ်။ ရေဒီယိုမှာ "ဝ - ထ - က- လ- သ" ဆိုတဲ့သီချင်းကလည်း လူထုကြား ပျံ့နှံ့လှပေတယ်။ ကိုကျောက်လည်း စာမတတ်ဖူး။ ဒီတော့ အ-သုံးလုံးသင်တာပေါ့။ လုံးဝ မတတ်တာနဲ့စာရင် စမ်းတဝါးဝါးတော့ ရေးဖတ်တတ်လာတယ်။ နောက်ဆုံးနေ့မှာ စာစစ်တယ်။ ဆရာမလေးက သင်ပုန်းပေါ်မှာ ‪#‎ခရီး‬ လို့ရေးတယ်။ ကိုကျောက် ဖတ်ရမယ့်အလှည့်။ ကိုကျောက်ဟာ ရင်ကော့ပြီး ဖတ်တယ်။ဒါပေမယ့် သူဖတ်တာမှားတော့ လူတွေရယ်ကြတယ်။ သူဖတ်တာက ‪#‎ခခွေးရီး‬ တဲ့။ (သူဟာ အခုဆုံးသွားပြီဖြစ်တဲ့ အတွင်းရေးမှူး ၃ ဗိုလ်ချုပ်ဝင်းမြင့်နဲ့ ငယ်သူငယ်ချင်း)
****
သူဘယ်လိုဆုံးပါးသွားတာလဲဆိုတာ တင်ပြချင်လို့ အရင်သူ့ကို မိတ်ဆက်ပေးတာပါ
တစ်နေ့ သူ့သားတစ်ယောက်နေမကောင်းဖြစ်တယ်။ ဆရာဝန်မရှိတဲ့တောရွာဆိုတော့ ဒေါက်တာရမ်းကုလက်ကိုသာဝကွက်အပ်ရတယ်။ ဒေါက်တာရမ်းကုက လူနာကို အားဆေးသွင်းတယ်။ လူနာဟာ အားဆေး ခန္ဓာကိုယ်ထဲဝင်တာနဲ့ အကြောက်အကန် ပိုက်ကိုဆွဲဖြုတ်ပြစ်ပြီး နောက်ထပ်အသွင်မခံဘူး။ ဒါကြောင့် ကိုကျောက်ဟာ ပိုက်ဆံပေးဝယ်ထားတဲ့အားဆေးကို နှမြောလို့ ရမ်းကုကို သူ့သွင်းပေးလို့ရလား မေးတယ်။ ရတယ်ဆိုတော့ သည်းခံ သွင်းရင်းသွင်းရင်း ဟုတ်ကဲ့ လောကကြီးကို နှုတ်မဆက်ပဲ အပြီးပိုင် ထွက်ခွာသွားပါတော့တယ် - - - -
****
ခုခေါတ်မှာ ဒါမျိုးမရှိတော့ဘူးလား???
တစ်လောက ဆရာဝန်တစ်ယောက် ခရီးထွက်ရင်း သေကာနီးလူနာ (သေရန်ပင်ပန်းဆင်းရဲစွာစောင်နေသောလူနာ )ကို ဝင်စပ်စုကြည့်တော့ အပမှီနေသော ဖုတ်ဝင်နေသော လူနာမို့အကုမခံတာကို မနည်းစည်းရုံးပြီး ဗိုက်ထဲကရေအိတ်တည်နေတာကို ဖောက်ထုတ်ပေးပြီး အသက်ကယ်ပေးခဲ့တဲ့ ပို့စ်လေး ဖတ်မိတယ်။ ဆရာဝန်ကို ကျေးဇူးတင်လေးစားမိပြီး ငယ်ငယ်က မသေသင့်ပဲသေခဲ့ရတဲ့လူတွေကို ပြန်မြင်မိတယ်။


ကျနော်တို့ ‪#‎မြန်မာ့အရုဏ်သစ်‬ ပရဟိတလူမှုကူညီရေးအသင်းအနေနဲ့ ကျေးရွာတွေက လူနာတွေကို မေလ ၂၂ ရက်နေ့မှာ အခမဲ့ဆေးစစ်ကုသပညာပေးဆွေးနွေး ကြပါမယ်။ ဒီအတွက် စေတနာရှင် လူငယ်ဆရာဝန်များလည်း ပါဝင်လုပ်အားပေးကြပါမယ်။ မိတ်ဆွေတို့လည်း အသင်းနဲ့အတူ ဆေးဝါးများလှူဒါန်းလိုရင်ဆက်သွယ်နိုင်ပါတယ်။ ကျနော်တို့ ဘဝရှင်စဉ် လုပ်နိုင်တာတွေ လုပ်နိုင်သလောက် လက်တွဲကူညီကြရအောင်- - -
#မြန်မာ့အရုဏ်သစ်
Credit to
Soe Naing